ସର୍ବଭାରତୀୟ ଗୋଲ୍‌ଡେନ୍ ଷ୍ଟାର୍ କ୍ରିକେଟ୍ କପ୍ ରାଞ୍ଚିକୁ ହରାଇ ସେମିରେ ତାଲଚେର

ପଦ୍ମପୁର ନିକଟସ୍ଥ ଖଇରପାଲି ହାଇସ୍କୁଲ ପଡ଼ିଆଠାରେ ଗୋଲ୍‌ଡେନ୍ ଷ୍ଟାର୍ କ୍ରିକେଟ୍ କ୍ଲବ ପକ୍ଷରୁ ଚାଲିଥିବା ୧୩ତମ ସର୍ବଭାରତୀୟ ଗୋଲ୍‌ଡେନ୍ ଷ୍ଟାର୍ କ୍ରିକେଟ୍ କପ୍‌ର ଆଜି ଦ୍ୱିତୀୟ ଦିବସରେ ତାଲଚେର ଓ ରାଞ୍ଚି ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ଏଥିରେ ତାଲଚେର ଦଳ ବିଜୟୀ ହୋଇ ସେମିଫାଇନାଲ୍‌ରେ ପ୍ରବେଶ କରିଛି। ସନମ ସାହୁ, ଅନ୍ତର୍ଯ୍ୟାମୀ ପ୍ରଧାନ ଖେଳ ପରିଚାଳନା, ସୁନୀଲ ଓ ସନ୍ତୋଷ ସ୍କୋରର୍ ଏବଂ ବୁଦ୍ଧଦେବ ମହାରଣା ଓ କୁମାର ଆନନ୍ଦ ଧାରାବିବରଣୀ ପ୍ରଦାନ କରିଥିଲେ। ପୁରସ୍କାର ବିତରଣୀ ଉତ୍ସବରେ ଅତିଥି ଭାବରେ ପଦ୍ମପୁରର ଆଇଆଇସି ମମତା ନାୟକ ଯୋଗଦେଇ ତାଲଚେର ଦଳର ଜଗତଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ପୁରସ୍କାର ପ୍ରଦାନ କରିଥିଲେ। ଟୁର୍ଣ୍ଣାମେଣ୍ଟ ଆୟୋଜନରେ ସାନୁ, ଚନ୍ଦନ, ଗୋକୁଳ, ଉମେଶ, ଆକାଶ, ସୁଜିତ, ବିକାଶ, ଅର୍ଜୁନ, ସନ୍ତୋଷ, ଦୟା, ରୋହନ, ସୁଶୀଲ, ପପୁ, ଦେବା, ପ୍ରଦୀପ, ଯତୀନ, ସୌରଭ, ଜଗନ୍ନାଥ ପ୍ରମୁଖ ସହଯୋଗ କରିଥିଲେ।